| dc.description.abstract | Hensikta med denne studien er å undersøkje korleis kroppsøvingsfaget vert forvalta i barneskulen (1-7.trinn), og om kroppsøvingslærarane har gjort endringar etter fagfornyinga 2020. Studien er av kvalitativ art, kor det har vorte gjennomført kvalitative forskingsintervju. Utvalet består av 5 kroppsøvingslærar, kor to av dei er ufaglærte medan dei resterande har relevant utdanning innan kroppsøving. Det teoretiske rammeverket tek utgangspunkt i legitimering av kroppsøving, læreplanteori og fagfornyinga 2020. Hovudfunna i denne studien viser at kroppsøvingsfaget framleis vert prega av tradisjonelle ideologiar, kor læringsperspektivet i faget verkar fråverande, til tross for at fleirtalet av informantane sit med ei oppdatert opplæring. Informantane har i liten grad føretatt endringar i faget etter fagfornyinga 2020, noko som sjåast i samanheng med lite avsett tid på institusjonsnivå til å jobbe med den i kroppsøving. Studien konkluderer med at ein føresetnad for å heve kompetansen i kroppsøving på barneskulen, er at det må gjennomførast arbeid med faget på institusjonsnivå, noko skuleleiinga har ansvar for. Fagfornyinga kan vere så god den vil, men utan handling vil den ikkje kunne bidra til endringar i faget. | |
