Analysar av plantemakrofossilar i jordprøver frå den arkeologiske undersøkinga på Krosshaug-Loen, Austbø gnr. 7, bnr 26 og 1049, Stavanger kommune, Rogaland
Original version
Sandvik, P. U. (2001) Analysar av plantemakrofossilar i jordprøver frå den arkeologiske undersøkinga på Krosshaug-Loen, Austbø gnr. 7, bnr 26 og 1049, Stavanger kommune, Rogaland. Stavanger: Arkeologisk museum i StavangerAbstract
Det er samla inn i alt 207 jordprøver til makrofossilanalysar under den arkeologiske undersøkinga på
Krosshaug og Loen i 1999. 199 av jordprøvene er flottert, og av desse er 92 sortert og i alt 86 analysert.
Dei analyserte jordprøvene, som alle er frå lokalitet 2, er frå fyllmassen i ymse anlegg som er tolka som
delar av hus. Resultata av analysane av plantemakrofossilar, 14C- dateringar og den arkeologiske
utgravinga gjev saman innsyn i tilhøva på Krosshaug –Loen gjennom tusenåra. Resultata av
plantemakrofossilanalysane syner kva plantemateriale som vart nytta av dei som hadde tilhald i og
kring busetnaden på Krosshaug-Loen, og kva som kan ha vokse på staden i tidsrommet 2000BCAD600.
Det er påvist restar av matplanter i form av forkola korn (Cerealia), særleg agnekledd bygg
(Hordeum vulgare var. vulgare) og havre (Avena sp.) og i tillegg litt naken bygg (Hordeum vulgare
var. nudum), kveite (Triticum sp.), viltveksande nytteplanter, mange typar ugras og trekol av mange
treslag. Resultata av 14C-dateringane av forkola korn av kveite (Triticum sp.) og agnekledd bygg
(Hordeum vulgare var. vulgare) syner at delar av busetnaden på felt 2 er frå overgangen mellom yngre
steinalder og eldre bronsealder, ca 1600 BC, og at det var busetnad på staden både i eldre jarnalder, dei
siste hundreåra f. Kr. og i merovingertid, AD200-300.
Description
Oppdragsgiver: Stavanger kommune: Kommuneplan for Hundvåg