| dc.description.abstract | Bakgrunn:
Grunnen til at eg har vald detta temaet er fordi eg sjølv ynskje å læra meir om sepsis, og fordi eg opplev å ha for lite kunnskap om temaet. Sepsis er ein tilstand ein ofte kan møta på når ein jobbar i helsevesenet. Eg ser difor på sepsis som ein viktig tilstand å ha nok fagkunnskap og kompetanse om.
Hensikt:
Hensikta med denne oppgåva er at eg sjølv skal læra meir om sepsis, korleis det utviklar seg, og korleis ein kan identifisera sepsis så tideleg som mogleg. Forhåpentlegvis vil eg også klara å belysa viktigheita av å ha nok kunnskap om sepsis til mine lesarar. Til slutt så håpar eg at oppgåva mi kan bidra til auka kunnskap om sepsis til mine kollegaar, og at eg sjølv kan vera med på å bevisstgjera dei rundt detta temaet.
Metode:
I denne litteraturstudia har eg hatt hovudfokus på studiar som har brukt kvalitativ metode, då detta var mest relevant for mi oppgåva. I tillegg har eg teke i bruk to studiar med kvantitativ metode, for å underbyggja med talfesta resultat. Relevant litteratur og eigne erfaringar er også blitt brukt for å svara på oppgåva mi.
Resultat:
Resultata frå studiane eg har teke utgangspunkt i, visar at sjukepleiarane har behov for auka kunnskap om sepsis og korleis sepsis utartar seg, kva for nokre observasjonar som er viktige å utføra, samt kompetanse rundt bruken av kartleggingsverktøy. Auka kunnskap og kompetanse, visar til tidlegare identifisering av tilstanden. Detta vil igjen vera med på å forbetra prognosen til pasientane, i tillegg til å redusera risikoen for dødelegheit.
Konklusjon:
For at sjukepleiaren skal ha høve til å identifisera sepsis så tidleg som mogleg, er det heilt naudsynt at vedkommande har nok kunnskap om denne tilstanden. Detta inneberer basiskunnskapar om sepsis, men vel så mykje om observasjonskompetanse, bruk av kartleggingsverktøy, generelle fagkunnskapar og bruk av det kliniske blikket.
Nøkkelord:
Sepsis, observasjonar, kartleggingsverktøy, kommunikasjon, erfaring, kunnskap, reduksjon i dødelegheit, kostnadar og samarbeid | |
