Korleis vil revisoren sine eigenskapar påverke kvaliteten på rekneskapsinformasjonen?

Abstract

Revisjonskvalitet er eit ord som mange har prøvd å definera, men utfordringa er nemleg at ordet kan definerast ulikt i forskjellige situasjonar med forskjellige personar involvert. Revisjonskvalitet er for eksempel så mykje meir enn at ein revisor skal oppdage brot på rekneskapsreglar og rapportera dette i revisjonsberetninga. Han skal i tillegg uttale seg i revisjonsberetninga om finansrekneskapet gjev eit rettvisande bilete av føretaket sin finansielle stilling. Dermed auke revisoren rekneskapsinformasjonen sin truverd, og man kan på den måten seie at revisjonskvaliteten er ein del av det større omgrepet rekneskapskvalitet. På bakgrunn av dette har eg valt følgjande problemstilling: «Korleis vil revisoren sine eigenskapar påverke kvaliteten på rekneskapsinformasjonen?» Ved hjelp av tidlegare forskingar knyta til rekneskaps- og revisjonskvalitet, finn eg forskjellige eigenskapar ved den oppdragsansvarlege revisoren som kan ha ein påverknad på kvaliteten til rekneskapsinformasjonen. Viss for eksempel eit revisjonsfirma er eit BIG N-firma, er revisjonsarbeidet ofte av høg kvalitet, ettersom dei har mykje å tape ved eventuelle søksmål. Lengda på revisjonsoppdraget og storleiken på revisjonshonoraret kan påverke revisoren sin uavhengigheit. Dette skyldast at mange år og høge beløp kan gje ein relasjon til det reviderte føretaket som ikkje er gunstig for samfunnet. Eg gjennomfører regresjonsanalysar for to forskjellige modellar, kor den første måler den totale periodiseringskvaliteten (Dechow, Sloan og Sweeney, 1995) og den andre måler den kortsiktige periodiseringskvaliteten (McNichols, 2002). I frå desse modellane får eg eit mål på rekneskapskvaliteten, som eg vidare brukar til å finne ut om det er ein statistisk signifikant samanheng med dei forskjellige eigenskapane til revisoren. Oppgåva finn blant anna indikasjonar for at det er ein negativ samanheng mellom revisorrotasjon og kvaliteten på rekneskapsinformasjonen. I tillegg vil selskapsrotasjon og lengda på revisjonsoppdraget ha ein positiv påverknad på rekneskapskvaliteten. Samanhengen mellom rekneskapskvalitet, revisorstorleik og unormalt høge revisjonshonorar ga denne oppgåva ikkje nokre klare svar på.