"Eg visste ikkje kven eg skreiv til...". Om utvikling av fagskrivingskompetanse i norskfaget på studieførebuande og påbygg på vg3

Abstract

Denne oppgåva har undersøkt korleis elevar som går på vg3 i vidaregåande skule arbeider med fagskrivingskompetansen sin i norskfaget, og samanlikna beskrivingar frå elevar på studieførebuande med elevar som tek påbyggingsåret. Det teoretiske overbygnaden er å finna i literacy-tenkinga. Oppgåva er vidare bygd på teoriar om skriving og skrivestrategiar. Også norsk skriveforsking som undersøkjer utvikling av skrivekompetanse, mellom anna NORM-prosjektet og SKRIV-prosjektet, er ein del av det teoretiske grunnlaget. Data¬materialet er samla inn ved hjelp av spørjeskjema blant 38 vg3-elevar på ein middels stor vidaregåande skule og i tillegg intervju med fire av desse elevane. Materialet er analysert kvalitativt for å få fram elevane sitt eige syn på skrivekompetanse og -utvikling. Analysane er delt inn i dei fem kategoriane skrivesituasjon og føremål, skrivestrategiar i førskrivingsfasen, støttestrukturar – skriverammer og eksempel¬tekstar, tilbakemelding og tekstrevisjon – formativ vurdering og til sist gode tekstar i norskfaget på vidaregåande. Materialet har vist at elevane på studieførebuande og påbygg tenderte til å forstå og beskriva fagskriving i norskfaget ulikt. Elevane på studieførebuande hadde jamt over fleire skrive- og revisjons¬strategiar, eit rikare metaspråk i omtalen av skrivestrategiar og eit noko større tekstleg medvit enn elevane på påbygg. Utvikling av fagskriving er avhengig av god og tilpassa opplæring og nok tid til å internalisera skrivestrategiar.