dc.contributor.advisor | Wagner Åse Kari Hansen | |
dc.contributor.author | Kallevåg Lilliann Sortland | |
dc.date.accessioned | 2022-01-27T16:51:32Z | |
dc.date.available | 2022-01-27T16:51:32Z | |
dc.date.issued | 2021 | |
dc.identifier | no.uis:inspera:80582900:85009485 | |
dc.identifier.uri | https://hdl.handle.net/11250/2899184 | |
dc.description.abstract | Samandrag
Leik har ein eigenverdi for barn og den kan nyttast som metode i den systematiske
opplæringa. Likevel viser det seg at den leikande læringa vert nytta lite for å gjera overgangen
mellom barnehage og skule så mjuk som mogleg for elevane. Læringstrykket i skulen er stort
og mange lærarar er usikre på korleis dei skal nytta leiken i undervisninga.
Skriving er ein av dei fem grunnleggjande dugleikane og skal gå føre seg i alle fag. I denne
masteroppgåva ønskjer eg å sjå på korleis leik som metode kan engasjera elevane til å skriva.
Problemstillinga for studien er: Korleis kan leikande læring som metode bidra til skriving
i begynnaropplæringa? med forskingsspørsmåla: Korleis kan leik leggja til rette for elevane
sitt engasjement for skriving? Kva for ulike skriveaktivitetar ser ein i rammeleiken? Korleis
vurderer lærarane rammeleik som metode i skriveopplæringa?
Masteroppgåva er ein kvalitativ studie som baserer seg på observasjon av tre
undervisningsøkter, intervju av to pedagogar på 1. trinn, spørjeundersøking blant elevar og
elevarbeid. Observasjonane såg mellom anna på elevengasjement i den leikande læringa og
skriving. Spørjeundersøkinga hadde som mål å få svar på elevane sin sjølvopplevde
skrivedugleik og deira engasjement i den leikande læringa. Alt elevarbeid som inneheldt
skriving vart samla inn. I intervjua svara pedagogane på spørsmål knytt til leikande læring og
engasjement. Resultata er delt inn etter metodane. Funna er drøfta etter forskingsspørsmåla.
I rammeleiken som vart studert observerer eg eit stort elevengasjement og elevane produserer
store mengder skriving i undervisningsøktene. Forskingsmaterialet viser at funna i stor grad
samsvarer med tidlegare forsking om korleis leiken vert forstått og nytta i
begynnaropplæringa. Lærarane svarar at dei nyttar seg mest av den frie leiken og i liten grad
av leik som metode i fag. Dei peikar på høgt læringstrykk i skulen og at dei ikkje har nok
kunnskap om leikande læring som hovudårsakene til dette. Dei nyttar derimot leiken som
metode for å læra og utvikla elevane sin sosiale kompetanse. | |
dc.description.abstract | | |
dc.language | nno | |
dc.publisher | uis | |
dc.title | "Eg gledar meg sånn til denne dagen" - Ein kvalitativ studie om korleis leik kan engasjera elevane i 1. klasse til skriving. | |
dc.type | Master thesis | |