| dc.description.abstract | Det engelske språket har ei særeigen rolle i dagens moderne verd, der ein dagleg får engelske innflytelsar frå forskjellige plan, anten det er frå songar på radioen, seriar på nettbrettet eller spel på datamaskinen. Med eit samfunn så omringa av slike engelske påverknadar, har det ikkje berre innverknad for kvardagen til oss vaksne, men også i stor grad kvardagen til barna. Gjennom ei kvalitativ oppgåve ønskjer eg derfor å rette søkelyset mot korleis engelsken kan komme til uttrykk og bli brukt i barnehagekvardagen, som barna er aktive i. For å undersøkje tema, arrangerte eg semistrukturerte intervju av tre pedagogiske leiarar på storbarnsavdelingar i forskjellige barnehagar om deira erfaringar med det engelske språket i praksis.
Etter gjennomførte intervju, kom det fram at engelsken hadde særleg tre bruksområde: Som kommunikasjon mellom personalet og framandspråklege foreldre og barn, som støttespråk og verktøy for inkludering av framandspråklege barn, og gjennom uttrykksformer i barns rolleleik og samspel. Følgjeleg vart resultata drøfta opp mot tre hovudtema i form av fem teoretiske omgrep og perspektiv. Først granska eg miljøets påverknad for barns læring og utvikling, gjennom Bronfenbrenners økologiske systemteori og barnehagens ressursperspektiv på språkleg mangfald. Deretter barna sine eigne språklege oppførslar og handlingar, gjennom den språklege akkomodasjonsteorien og omgrepa transspråking og språkblanding, etterfølgt av korleis engelsk som eit globalt språk kan påverke arbeidet i barnehagen. | |
