Matematiske heilklassesamtalar i begynnaropplæringa: Ein lærars bruk av samtaletrekk og spørsmål for å invitere elevane til deltaking.
Master thesis
Permanent lenke
https://hdl.handle.net/11250/3080184Utgivelsesdato
2023Metadata
Vis full innførselSamlinger
- Studentoppgaver (HF-IGIS) [1089]
Sammendrag
Matematiske heilklassesamtalar er eit veksande forskingsområde innanfor matematikkdidaktikk. I den gjeldande læreplanen for matematikk har det blitt eit større fokus på elevdeltaking og kommunikasjon, og at elevane skal kunne samtale om matematiske tankar og strategiar. Denne kvalitative studien studerer ein lærar si leiing av matematiske heilklassesamtalar i begynnaropplæringa, og korleis læraren inviterer elevane til deltaking i samtalane. For å få ei djupare forståing av korleis læraren inviterer elevane til å dele sine resonnement og idear i matematiske heilklassesamtalar, er forskingsspørsmålet mitt formulert slik: Korleis inviterer læraren elevane til deltaking i matematiske heilklassesamtalar i begynnaropplæringa? Ein studie av bruk av samtaletrekk og lærarspørsmål.
Studien består av analysar av eit lærarintervju og klasseromsobservasjonar frå sju undervisningsøkter i ein førsteklasse. Studien er gjennomført ved ein skule som driv utviklande opplæring i matematikk. For å finne svar på forskingsspørsmålet, har eg studert ein lærar sin bruk av samtaletrekk og spørsmål i heilklassesamtalar, som blant anna omfattar den kommutative lova for addisjon som matematisk læringsmål. Analysane mine tydar på at læraren har ein varierande bruk av både samtaletrekk og spørsmål som påverkar elevane sine moglegheiter til å delta i samtalane. Læraren bruker fire samtaletrekk som alle er med på å invitere elevane til deltaking. Læraren stiller spørsmål frå ulike kategoriar, som både avgrensar og inviterer til deltaking. Resultata tydar også på at samtalemønsteret til læraren i studien har tydelege likskapstrekk til tradisjonelle samtalemønster.